10 დღით თბილისში, რუსთავში, ქუთაისსა და ბათუმში შესვლა ან ქალაქებიდან გასვლა შეიზღუდება

“კოვიდ-19 არის გლობალური გამოწვევა, უმძიმესი კრიზისი როგორც მოქალაქეებისთვის, ასევე ეკონომიკისთვის. დღეს შეგვიძლია მოვახდინოთ ფაქტის კონსტანტირება – გვაქვს პირველი შემთხვევა როდესაც გვყავს 1 დღეში 30 ადამიანი ინფიცირებული. სწორედ ამიტომ საქართველოს 4 დიდ ქალაქში – თბილისში, რუსთავში, ქუთაისსა და ბათუმში ყველა სახის ტრანსპორტით მოძრაობა იკრძალება. 10 დღით ქალაქებში შესვლა, ან ქალაქებიდან გასვლა შეიზღუდება.

კვლევა მიმდინაორეს 500 ადამიანზე და შეგვიძლია ვთქვათ, რომ სრულმასშტაბიანი შიდა გავრცელების ეტაპზე გადავედით,” – განაცხადა პრემიერ-მინისტრმა.

მისივე თქმით, ეპიდემიოლოგებს უჭირთ თქმა, როდის ინება გავრცელების პიკი და ამ გაურკვევლობის პერიოდში მთავრობის ყველა გადაწყვეტილებას კიდევ უფრო მეტი ფასი აქვს.

შეზღუდვა ხვალ 15 აპრილს, 21 საათიდან შევა ძალაში.

საგანგებო მდგომარეობა კი 10 მაისამდე გაგრძელდება