დეპუტატები, რომლებმაც 60%-ანი ბარიერი გადალახეს
ცენტრალური საარჩევნო კომისიის საბოლოო მონაცემებით, 50%- იანი ბარიერი “ქართული ოცნებიდან“ მაჟორიტარობის 23-მა კანდიდატმა გადალახა,
ზოგიერთმა კანდიდატმა დაწესებულ ბარიერს საკმაოდ გადააჭარბა და შეიძლება ითქვას 50% კი არა, 60%-ანი ბარიერი გადალახა.
უპრეცედენტო გამარჯვება მოიპოვა პაატა კვიჟინაძემ. ის საჩხერის მაჟორიტარი 89,06% გახდა და კიდევ 4 წელი იქნება პარლამენტარი.
მიუხედავად წინასაარჩევნო სკანდალებისა და აჟიოტაჟისა, ახალ პარლამენტში სავარძელი უკვე გარანტირებული აქვს წალკა–დმანისის მაჟორიტარს კახა ოქრიაშვილს, რომელმაც პირველივე ტურში 66,31% გაიმარჯვა.
63,42% დააგროვა წინასაარჩევნო მარათონის დროს „ნაციონალების სკოლაგამოვლილ“ კანდიდატად შერაცხულმა ენძელ მკოიანმა.
50%-ანი ბარიერი კოლეგებზე მაღალი პროცენტული მაჩვენებლით გადალახა დუშეთის, თიანეთისა და ყაზბეგის მაჟორიტარი დეპუტატობის კანდიდატმა და ახლა უკვე ისევ პარლამეტარმა ზაქარია ქუცნაშვილმა. მან გამარჯვება 60,53%-ით მოიპოვა.
პარტიის შემომწირველთა სიას თუ გადავხედავთ, ვნახავთ, რომ პაატა კვიჟინაძემ შემოწირულობა ორჯერ გააკეთა. 2014 წელს, როცა „ქართულ ოცნებას“ 30 000 ლარი შესწირა და 2016 წელს. აქ 20 000 ლარი ფიქსირდება. საბოლოო ჯამში უკვე დეპუტატმა შემოწირულობის სახით 50 000 ლარი გადარიცხა პარტიაში. დანარჩენი სამი დეპუტატი კი შემოწირველთა ბაზაში არ იძებნება.
