ჩხენკელი თვითიზოლაციაში, სკოლები კი დისტანციურ სწავლებაზე გადადიან

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი თვითიზოლაციაში იმყოფება. ინფორმაციას ამის შესახებ განათლების სამინისტრო ადასტურებენ. არსებული ცნობით, COVID-19 მიხეილ ჩხენკელის ოჯახის წევრს დაუდასტურდა.

აქვე შეგახსენებთ,

თბილისში, ქუთაისში, რუსთავში, თელავში, ზუგდიდში, ზესტაფონში, გორში, ფოთში, მარნეულსა და გარდაბანში სწავლის დისტანციური რეჟიმი ნარჩუნდება, ამის შესახებ განცხადება საკოორდინაციო საბჭოს სხდომის დასრულების შემდეგ ინფრასტრუქტურის მინისტრმა მაია ცქიტიშვილმა განაცხადა:

“1500-მდე უბანი მოწყობილი იყო სკოლებში და არჩევნებამდე რამდენიმე დღით ადრე გადავიყვანეთ დისტანციურ რეჟიმში და არჩევნების შემდეგაც სწავლის განსაახლებლად კიდევ სჭირდებოდათ რამდენიმე დღე. მაგრამ ვინაიდან იმის გათვალისწინებით, რომ ბევრ დასახლებაში გვიწევს მეორე ტური და აქედან გამომდინარე ასეულობით სკოლა იქნება გამოყენებული. როგორც საარჩევნო უბანი, აქედან გამომდინარე და იმის გათვალისწინებით, რომ მნიშვნელოვანია დიდ ქალაქებში მობილობის შემცირება, ჩვენ დღეს საბჭოზე მივიღეთ გადაწყვეტილება, რომ დისტანციური სწავლის რეჟიმი შენარჩუნდეს თბილისში, ქუთაისში, რუსთავში, თელავში, ზუგდიდში, ზესტაფონში, გორში, ფოთში, მარნეულსა და გარდაბანში, ასევე შეგახსენებთ, რომ აჭარაში სწავლა მიმდინარეობს დისტანციურ რეჟიმში,”- აღნიშნა მაია ცქიტიშვილმა.