ცესკოს ახალი დადგენილება – არჩევნების მეორე ტური

საქართველოს პარლამენტის არჩევნების მეორე ტური 21 ნოემბერს გაიმართება. შესაბამისი გადაწყვეტილება ცენტრალურმა საარჩევნო კომისიამ (ცესკო) დღეს გამართულ სხდომაზე მიიღო.

საქართველოს პარლამენტის 31 ოქტომბრის მაჟორიტარული საარჩევნო სისტემით არჩევნების მეორე ტური 17 მაჟორიტარულ საარჩევნო ოლქში გაიმართება; ასევე, ქუთაისში გაიმართება მერის რიგგარეშე არჩევნების მეორე ტური.

პარლამენტის არჩევნების მეორე ტურში შემდეგი საარჩევნო სუბიექტების მიერ წარდგენილი კანდიდატები მონაწილეობენ: №2 – „ბაქრაძე, უგულავა, ბოკერია – ევროპული საქართველო – მოძრაობა თავისუფლებისთვის“, №5 – საარჩევნო ბლოკი „ერთიანი ნაციონალური მოძრაობა – გაერთიანებული ოპოზიცია „ძალა ერთობაშია“, №10 – „შალვა ნათელაშვილი-საქართველოს ლეიბორისტული პარტია“, №24 – „ალეკო ელისაშვილი-მოქალაქეები“,  №36 – „გირჩი“, №41- „ქართული ოცნება – დემოკრატიული საქართველო“.

მეორე ტურზე ამომრჩევლებს მოემსახურება 1914 საარჩევნო უბანი,  გამონაკლის შემთხვევაში შექმნილი 9 უბანი, სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის მიზნით შექმნილი 81 სპეციალური უბანი.

თვითიზოლაციაში მყოფმა ამომრჩევლებმა, რომლებიც შესაბამისი უწყების მონაცემთა ბაზაში ფიქსირდებიან და ტერიტორიულად იმყოფებიან იმ მაჟორიტარული საარჩევნო ოლქის საზღვრებში, სადაც არიან რეგისტრირებული, პარლამენტის არჩევნების მეორე ტურში მონაწილეობის მიზნით, გადასატანი საარჩევნო ყუთის მოთხოვნით,  15 და  16 ნოემბერს 10:00-დან 20:00 საათამდე, ხოლო 17 ნოემბერს 10:00-დან 18:00 საათამდე უნდა მიმართონ ცესკოს სატელეფონო/საინფორმაციო ცენტრს – 2 51-00-51 (0).

13 ნოემბერს გამართულ სხდომაზე კომისიამ მიიღო დადგენილებები, რომელთა თანახმადაც  არჩევნების მეორე ტურისთვის სახელმწიფოს მიერ გამოყოფილი თანხის განაწილებისა და გამოყენების წესი,  ასევე მეორე ტურისთვის საოლქო საარჩევნო კომისიების მიერ საჭირო ფულადი სახსრების განაწილებისა და გამოყენების წესიც განისაზღვრა.

მეორე ტურში მონაწილე საარჩევნო სუბიექტების წარმომადგენლებს უფლებამოსილების ვადა გაუგრძელდებათ მეორე ტურის შედეგების გასაჩივრების ვადების ამოწურვამდე. რეგისტრაციის ვადა უგრძელდებათ რეგისტრირებულ სადამკვირვებლო და მედია ორგანიზაციებსაც. მათ უფლება აქვთ არჩევნების დღემდე არაუგვიანეს მე-5 დღისა განახორციელონ ცვლილებები და დაამატონ დამკვირვებლები თუ მედია წარმომადგენლები.

საქართველოს პარლამენტის არჩევნების მეორე ტური გაიმართება შემდეგ მაჟორიტარულ საარჩევნო ოლქებში:

 

მაჟორიტარული საარჩევნო ოლქი

 

 

მეორე ტურში გასული კანდიდატები

№1 – მთაწმინდა, კრწანისი №2 – შალვა შავგულიძე

№41 – ბექა ოდიშარია

 

№2 – ვაკე

 

№2 – ელენე ხოშტარია

№41 – ნოდარ ტურძელაძე

 

№3 – საბურთალო

 

№24 – ალექსანდრე ელისაშვილი

№41 – დავით სერგეენკო

 

№4 – ისანი

 

№5 – ხატია დეკანოიძე

№41 – კახა კახიშვილი

 

№5 – სამგორი

 

№5 – ლევან ხაბეიშვილი

№41 – სოზარ სუბარი

 

№6 – დიდუბე, ჩუღურეთი

 

№36 – ზურაბ გირჩი ჯაფარიძე

№41 – გიორგი ვოლსკი

 

№7 – ნაძალადევი

 

№10 – შალვა ნათელაშვილი

№41 – მიხეილ ყაველაშვილი

 

№8 – გლდანი

 

№5 – ნიკანორი მელია

№41 – ლევან კობიაშვილი

 

№10 – თელავი, ახმეტა, ყვარელი და ლაგოდეხი

 

№5 – გიორგი ბოტკოველი

№41 – ირაკლი ქადაგიშვილი

 

№11 – მცხეთა, დუშეთი, თიანეთი და ყაზბეგი

 

№5 – ცეზარი ჩოჩელი

№41 – შალვა კერესელიძე

 

№12 – რუსთავი, გარდაბანი

 

№5 – დავით კირკიტაძე

№41 – ნინო ლაცაბიძე

 

№16 – ხაშური, ქარელი

 

№5 – ნატო ჩხეიძე

№41 – ზაალ დუგლაძე

 

№21 – ზესტაფონი, ტყიბული, თერჯოლა, ბაღდათი №5 – კახა გეწაძე

№41 – ბეჟან წაქაძე

 

№23 – ქუთაისი

 

№5 – გრიგოლ ვაშაძე

№41 – ზაზა ლომინაძე

 

№27 – ზუგდიდი №5 – მალხაზ ჯალაღონია

№41 – ირაკლი ჩიქოვანი

 

№28 – ბათუმი

 

№5 – ლევან ვარშალომიძე

№41 – რესან კონცელიძე

 

№30 – ხელვაჩაური, ქედა, შუახევი და ხულო №5 – მიშა ბოლქვაძე

№41 – ანზორ ბოლქვაძე

 

 

მერის რიგგარეშე არჩევნების მეორე ტური

 

საარჩევნო ოლქი

 

 

მეორე ტურში გასული კანდიდატები

№59 – ქუთაისი №5 – გრიგოლი შუშანია

№41 – იოსები ხახალეიშვილი

Login

Welcome! Login in to your account

Remember me Lost your password?

Lost Password