„ნაციონალები” რა ხალხი არიან იცით? ბოდიში და რომ იცოდნენ, რომ დედამისს გაუპატიურებას უპირებენ, აცლიან და მერე ატეხავენ ამბავს, ჩვენ უნდა დავალაგოთ ურთიერთობა რუსეთთან – ერეკლე კუხიანიძე
ისტორიკოსი, მსახიობი, მუსიკოსი, ერეკლე კუხიანიძე რუსი ჟურნალისტის, ვლადიმერ პოზნერის საქართველოში ვიხიტს ეხმაურება და ამბობს, რომ არ ეთანხმება იმ ქმედებებს, რაც მის ჩამოსვლას და სასტუმროსთან განვითარებულ მოვლენებს მოჰყვა.
იგი ასევე მის მიერ გრიბოედოვის ძეგლიდან საპროტესტო წარწერის – “რუსეთი ბოროტებაა” წაშლის მოტივს განმარტავს.
“დიდი ხანია მიდის “ნაციონალური მოძრაობის” პროვოკაცია საქართველოს წინააღმდეგ. ეს არის ნარატივი, რომ რუსეთთან ლაპარაკი არ შეიძლება. მთელი დასავლეთი გვეუბნება, რომ თქვენ პოლიტიკურად, მშვიდობიანად უნდა დაალაგოთ რუსეთთან ურთიერთობა. ეს არის სიტყვები, რომელიც არაფერს არ ნიშნავს.
გავრილოვის ჩამოსვლის შესახებ “ნაციონალებმა” იცოდნენ ერთი წლით ადრე, აბსოლუტურად ცნობილი იყო, ვინ იყო ეს კაცი. ეს კაცი იყო ასამბლეის თავმჯდომარის მოადგილე, რომელიც აბსოლუტურად იცოდნენ, რომ დაჯდებოდა ზუსტად იმ სკამზე, რომელზეც დაჯდა. ვიცით რომ ეს კაცი არის ასამბლეის თავმჯდომარის მოადგილე, ვიცით რომ, როცა ტარდება სხდომა, რა დასკვნა უნდა, ჩვეულებრივ, ნებისმიერ ეტიკეტი ნახეთ და დაინახავთ, რომ ვისაც მიჰყავს სხდომა, ის ჯდება იმ სავარძელში. ამიტომ, ეს არის დემაგოგია. ეგენი რა ხალხია იცი? ბოდიში და რომ იცოდნენ რომ დედამისს გაუპატიურებას უპირებენ, აცლის და მერე ატეხავს ამბავს. შე კაი ადამიანო, რომ იცი რომ ჩაჯდება, ის ამით შეურაცხყოფას მოგაყენებს, წინასწარ გამოდი და თქვი რა.
ჩვენ არ უნდა ვიყოთ მარტივები და უტვინოები. ჩვენ უნდა დავალაგოთ ურთიერთობა, ჩვენ არ გვჭირდება ფურთხება, კვერცხების სროლა, ჩვენ გვინდა ნორმალური ურთიერთობა, რომ არ დაიღუპოს ჩვენი ხალხი, მუხლებზე არ დაგვაყენონ, რომ ჩვენი თავებით ფეხბურთი არ ითამაშონ და ამას აკეთებს რუსეთი, შენ თუ იმას მტრობ,“ – ამბობს ერეკლე კუხიანიძე.
