Home » მთავარი » გიორგი ვაშაძე – ომი რუსეთმა დაიწყო, ქართული მხრიდან საპასუხო ცეცხლი ნამდვილად იყო გახსნილი და ეს იყო სამართლებრივად სწორად გადადგმული ნაბიჯი

გიორგი ვაშაძე – ომი რუსეთმა დაიწყო, ქართული მხრიდან საპასუხო ცეცხლი ნამდვილად იყო გახსნილი და ეს იყო სამართლებრივად სწორად გადადგმული ნაბიჯი

გახსნილი და ეს იყო სამართლებრივად სწორად გადადგმული ნაბიჯი, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.

მისივე თქმით, ქართულ მხარეს მშვიდობიანი მოსახლეობის მისამართით არ გამოუყენებია რაიმე შეიარაღება.

ამასთან გიორგი ვაშაძე მიიჩნევს, რომ სერგი კაპანაძის განცხადებასთან დაკავშირებით გარკვეული ინტერპრეტაციებია გამოთქმული.

„ჩემი პოზიცია ასეთია, ომი რუსეთმა დაიწყო, ქართული მხრიდან საპასუხო ცეცხლი ნამდვილად იყო გახსნილი და ეს იყო სამართლებრივად სწორად გადადგმული ნაბიჯი. მათ შორის ცხინვალის მიმართულებით იყო ცეცხლი გახსნილი და ეს იყო სამხედრო ობიექტების და იმ მოწინააღმდეგის საჯარისო შენაერთებისთვის დისლოკაციის ადგილებთან მიმართებაში, რომელიც საქართველოს წინააღმდეგ იარაღს იყენებდა. მნიშვნელოვანია, რომ ქართულ მხარეს მშვიდობიანი მოსახლეობის მისამართით არ გამოუყენებია, არც ცხინვალში რაიმე შეიარაღება. კასეტურ ბომბებს რაც შეეხება, ამასთან დაკავშირებითაც თავდაცვის სამინისტროს გაკეთებული აქვს განცხადება ჯერ კიდევ 2009-2010 წლებში, სადაც ნათქვამია, რომ კასეტური ბომბების გამოყენების რამდენიმე შემთხვევა იყო, ოღონდ, მხოლოდ სამხედრო ობიექტებთან მიმართებაში. ვფიქრობ, სერგი კაპანაძის განცხადებასთან დაკავშირებით გარკვეული ინტერპრეტაციებია“, – აღნიშნა ვაშაძემ.

შეგახსენებთ, „ევროპული საქართველოს“ წევრმა სერგი კაპანაძემ სოციალურ ქსელში დაწერა: „საქართველოს მძინარე ცხინვალი კი არ დაუბომბია, სამხედრო წერტილები დაბომბა ცხინვალში, ანუ, ცხინვალი დაბომბა, ოღონდ, მშვიდონიანი მოსახლეობა არა“. მისივე თქმით, კასეტური ბომბები სამხედრო ობიექტების წინააღმდეგ იქნა გამოყენებული.

x

Check Also

უკრაინელი სამხედროების ცნობით, რუსეთის სამხედრო ფორმირებებმა, უკრაინის სამხრეთ-აღმოსავლეთ ნაწილში ბოლო 24 საათში ცეცხლის შეწყვეტის შეთანხმება შვიდჯერ დაარღვიეს

უკრაინელი სამხედროების ცნობით, უკრაინის სამხრეთ-აღმოსავლეთ ნაწილში რუსეთის სამხედრო ფორმირებებმა ბოლო 24 საათში ცეცხლის შეწყვეტის შეთანხმება ...