გერმანიამ რუსული ავიაკომპანიების რეისების მიღება შეწყვიტა

გერმანიამ რუსული ავიაკომპანიების რეისების მიღება შეწყვიტა. ინფორმაციას „დოიჩე ველე“ გერმანიის ტრანსპორტის სამინისტროზე დაყრდნობით ავრცელებს.

უწყებამ აღნიშნული გადაწყვეტილება მას შემდეგ მიიღო, რაც გერმანული ავიაკომპანია „ლუფთჰანზა“ იძულებული გახდა, რუსეთის ქალაქებში რეისების გაეუქმებინა, რადგან მოსკოვისგან რეისების შესრულების ნებართვა დროულად არ მიიღო.

ტრანსპორტის სამინისტროში აცხადებენ, რომ ნაცვალგების პრინციპის საფუძველზე, ავიაციის ფედერალური უწყება ასევე წყვეტს რუსული ავიაკომპანიებისთვის რეისების შესრულების ნებართვის გაცემას. სამინისტროსვე ცნობით, სამშაბათს გაუქმდა ,,აეროფლოტის“ სამი ფრენა,  ოთხშაბათს კი ოთხი.

Login

Welcome! Login in to your account

Remember me Lost your password?

Lost Password