თურქეთის ელჩი – საქართველოს ჯანდაცვის სისტემა გაცილებით უკეთ გაუმკლავდა არსებულ ვითარებას, ვიდრე ველოდით

საქართველოს ჯანდაცვის სისტემა გაცილებით უკეთ გაუმკლავდა არსებულ ვითარებას, ვიდრე ველოდით, – ამის შესახებ საქართველოში თურქეთის ელჩმა, ფატმა ჯერენ იაზგანმა განაცხადა.

მისივე შეფასებით, საქართველოში კოვიდინფიცირებული პაციენტების მკურნალობა სწორი მეთოდით ხდება.

„კორონავირუსის მეორე ტალღა, პირველთან შედარებით, ძლიერი აღმოჩნდა როგორც თურქეთში, ისე საქართველოში. ვირუსთან ბრძოლის ყველაზე ეფექტური საშუალება არის პირბადის ტარება, სოციალური დისტანცია, ჰიგიენური წესების დაცვა. რაც შეეხება მკურნალობის პროცესს, თურქეთის ჯანდაცვის სამინისტრო მაქსიმალურად ცდილობს მოქალაქეებს მოუწოდოს, დარჩნენ სახლში. ეს არის პრენევენცია ვირუსის შესაკავებლად. ისევე როგორც თურქეთში, ასევე საქართველოში უმთავრესია, არ გაიზარდოს ინფიცირებულთა რაოდენობა და სიტუაცია კონტროლირებადი იყოს.

საქართველოში ხდება სწორი მეთოდით მკურნალობა. ვფიქრობ, საქართველოს ჯანდაცვის სისტემა გაცილებით უკეთ გაუმკლავდა არსებულ ვითარებას, ვიდრე ველოდით. სამწუხაროდ, გავრცელება საქართველოშიც მაღალია, მაგრამ ჯანდაცვის სამინისტროს და ქართველი ექიმების ძალისხმევით ხდება ინფიცირებულების მკურნალობა და არსებულ ეპიდვითარებასთან გამკლავება“, – განაცხადა ფატმა ჯერენ იაზგანმა.

Login

Welcome! Login in to your account

Remember me Lost your password?

Lost Password