გიორგი ვაშაძე – გახარიას ნათქვამიდან კარგად გამოჩნდა, რომ ეს არის სამეფო კარზე ვეზირთა ბრძოლა, ვინ იქნება პირველი

„სტრატეგია აღმაშენებლის“ ლიდერის, გიორგი ვაშაძის განცხადებით, გიორგი გახარიას გუშინდელი ინტერვიუდან მძიმე შთაბეჭდილება დარჩა.

ვაშაძის შეფასებით, ეს იყო ინტერვიუ „ივანიშვილის კარზე ერთ-ერთი ვეზირის“, რომელიც პირველობისთვის იბრძვის.

„გიორგი გახარიას ნათქვამიდან კარგად გამოჩნდა, რომ ეს არის ვეზირთა ბრძოლა სამეფო კარზე, ვინ იქნება პირველი. სამწუხაროდ, პირდაპირ უნდა ვთქვა, რომ გუშინდელი საუბარი იყო კვლავ ბიძინა ივანიშვილის ვეზირის ბრძოლა, სწორედ ის გახდეს პირველი. ქვეყნაში ამიტომ არ ვითარდება ეკონომიკა და არის შიმშილი. „ქართული ოცნების“ ყველა ლიდერის, გახარიას ჩათვლით, მთავარი ამოცანაა, ვინ იქნება პირველი ვეზირი სამეფო კარზე. ეს იყო ის, რაც გუშინ მოვისმინეთ. გუშინ, ივანიშვილის კარზე ერთ-ერთი ვეზირის ინტერვიუ მოვისმინეთ, რომელიც იბრძვის იმისთვის, რომ პირველი ვეზირი გახდეს და ებრძვის მეორე პირველ ვეზირს, რომელიც არის დღეის მდგომარეობით, ირაკლი კობახიძე“, – განაცხადა გიორგი ვაშაძემ.

Login

Welcome! Login in to your account

Remember me Lost your password?

Lost Password