რომან გოცირიძე – კიდევ კარგი, ღმერთის სახეობა არაა ამ ფიცში დაკონკრეტებული, თორემ მერე გენახათ სკანდალი

გოცირიძე

სეკულარულ სახელმწიფოში ფიცი დაგვადებინეს ღმერთის წინაშე, რატომ აიძულებენ ადამიანებს კანონის ძალით (რეგლამენტი ითვალისწინებს ამას) უღალატონ თავიანთ შინაგან რწმენას და პრინციპებს?,”- ამის შესახებ “ნაციონალური მოძრაობის” წევრი რომან გოცირიძე სოციალურ ქსელში წერს.

გოცირიძე ამბობს, რომ პარლამენტში იცის რამდენიმე დეპუტატი, რომლებთაგან ზოგი ათეისტია, ზოგი კი სხვა სარწმუნოების.

“ხელი მოვაწერთ საქართველოს პარლამენტის წევრის ქვეყნისადმი ერთგულების ფიცს.

სეკულარულ სახელმწიფოში ფიცი დაგვადებინეს ღმერთის წინაშე, არა და პარლამენტში ზოგი მორწმუნეა, ზოგი ათეისტი, ზოგიც აგნოსტიკოსი. ერთ-ორს ისეთსაც ვიცნობ, პირდაპირ სატანას რომ ეთაყვანება:))

რატომ აიძულებენ ადამიანებს კანონის ძალით (რეგლამენტი ითვალისწინებს ამას) უღალატონ თავიანთ შინაგან რწმენას და პრინციპებს? ერთ მაზდეანელ (ცეცხლთაყვანისმცემელ) დეპუტატსაც ვიცნობ. პატიოსანი სინდისით მოაწერა ხელი. კიდევ კარგი, ღმერთის სახეობა არაა ამ ფიცში დაკონკრეტებული, თორემ მერე გენახათ სკანდალი,” – წერს რომან გოცირიძე.

Login

Welcome! Login in to your account

Remember me Lost your password?

Lost Password