მერაბ ქვარაიამ მომხრეებთან ერთად საარჩევნო პლაკატებისგან ქალაქის დასუფთავება დაიწყო
მერაბ ქვარაიას საარჩევნო შტაბმა საარჩევნო პლაკატებისგან ქალაქის დასუფთავება დაიწყო. აქციაში „ქართული ოცნების“ წევრებთან და მხარდამჭერებთან ერთად ახლადარჩეულმა მაჟორიტარმა დეპუტატმა მერაბ ქვარაიამ მიიღო მონაწილეობა. მან მოქალაქეებს არჩევნების მშვიდობიანად ჩატარება კიდევ ერთხელ მიულოცა და აღნიშნა, რომ ქვეყანაში დემოკრატიული დემოკრატიულ ფასეულობები მკვიდრდება.
აქვე შეგახსენებთ, რომ საპარლამენტო არჩევნებში გამარჯვების შემდეგ, არჩილ თალაკვაძემ ოზურგეთში მხარდამჭერებთან და “ქართული ოცნების” ახალგაზრდული ორგანიზაციის წევრებთან ერთად საარჩევნო პლაკატებისგან გაწმინდა ქალაქი.
იმედია თბილისშიც მიბაძავენ მათ კოლეგებიც და ის კანდიდატებიც, რომლებმაც გამარჯვება ვერ მოიპოვეს. პირველი ტურის უტყვი მოწმეები ჯერ კიდევ საცოდავად ჩამოგლეჯილები დამსუფთავებელს ელიან.