ჩვენ გვყავს პრემიერი, რომელიც დაემსგავსა გახეთქილ კანალიზაციას – უგულავა ღარიბაშვილზე
ჩვენ გვყავს პრემიერი, რომელიც დაემსგავსა გახეთქილ კანალიზაციას – ამის შესახებ ოპოზიციის მერობის კანდიდატმა ფოთში გიგი უგულავამ, ქალაქის მაჟორიტარობის საერთო ოპოზიციური კანდიდატების წარდგენაზე, ირაკლი ღარიბაშვილზე საუბრისას განაცხადა.
,,სიმართლე გითხრათ, მე ვაპირებდი იმ ტყუილებზე, სიბინძურეზე გამეცა პასუხი, რასაც ჩვენ ვისმენთ, პრემიერად წოდებული არსებისგან, მაგრამ, საბოლოო ჯამში, გადავიფიქრე, იმიტომ, რომ ძნელია ადამიანმა სდიო გახეთქილ კანალიზაციას. დიახ, სამწუხაროდ, ჩვენ გვყავს პრემიერი, რომელიც დაემსგავსა გახეთქილ კანალიზაციას და აფრქვევს სიმყრალეს ქალაქებში, სოფლებში და მთელ ქვეყანაში. ძალიან უხეში შედარებაა, მაგრამ ერთადერთი სწორი შედარებაა” – განაცხადა უგულავამ.
