სამხრეთ აფრიკულმა ახალმა მუტანტმა შესაძლოა, უფრო სწრაფადაც შეაღწიოს ორგანიზმში და „დელტაზე” 10-ჯერ უფრო ძლიერიც იყოს – გიორგი ფხაკაძე ახალ კოვიდვარიანტზე

საზოგადოებრივი ჯანდაცვის ექსპერტი, გიორგი ფხაკაძე სოციალურ ქსელში კორონავირუსის ახალი შტამის შესახებ წერს.

როგორც ექსპერტი ყვება, სამხრეთ აფრიკული ახალი მუტანტი შესაძლოა, „დელტაზე” 10-ჯერ უფრო ძლიერი იყოს და იგი უკვე გასცდა სამხრეთ აფრიკასაც.

„დამატებითი ინფორმაცია ახალ ვარიანტთან დაკავშირებით:

ნამდვილად ვერ არის საქმე კარგად. დღეს, ამ ამბავმა გამოიწვია მსოფლიო ნავთობის ფასის ვარდნა ევროპაში 5%-ით და ამერიკაში 6.2%-ით. ევროპულ ბირჟებზე ფასიანი ქაღალდების ფასების ვარდნა 2.4%-მდე, ბიტკოინმა დაკარგა 7%.

გაიცანით ახალი მუტირებული კოვიდვარიანტი B.1.1.529 – ოფიციალური სახელი, ალბათ, ამ დღეებში ექნება და სავარაუდო სახელია “ნუ” Nu.

სამხრეთ აფრიკული ახალი მუტანტი აღმოაჩინეს, რომელიც შესაძლოა, დელტაზე 10-ჯერ უფრო ძლიერი იყოს. ეს ვარიანტი უკვე გასცდა სამხრეთ აფრიკას და დაფიქსირდა სხვა ქვეყნებში. სად არის გავრცელებული ახალი ვარისნტი:

📌 სამხრეთ აფრიკა 🇿🇦
📌ბოტსვანა 🇧🇼
📌ნამიბია 🇳🇦
📌ბელგია 🇧🇪
📌ლესოტო 🇱🇸
📌ესვატინი 🇸🇿
📌ზიმბაბვე 🇿🇼
📌ჰონგკონგში (ჩინეთი) 🇭🇰/🇨🇳
📌ისრაელი 🇮🇱

რა ვიცით ამ ვარიანტის შესახებ?!
📍ძალიან სწრაფად ვრცელდება,
📍საკმაოდ ბევრი მუტაცია აქვს,
📍შესაძლოა, ამ ვარიანტმა უფრო კარგად აუაროს გვერდი ჩვენს იმუნურ სისტემას და უფრო სწრაფად შეაღწიოს ორგანიზმში,
📍არსებული ვაქცინების ეფექტურობის საკითხი იქნება ნათელი დაახლოებით 2 კვირაში.

რატომ არის ამდენი მუტაცია სამხრეთ აფრიკაში? იმიტომ, რომ მოსახლეობის მხოლოდ 24% არის აცრილი და უმრავლესობა არის დაინფიცირებული… არაფერს გაგონებთ?!… ჩვენ ისე ვიზამთ, რომ ქართულ ვარიანტსაც შევქმნით.

რაც უფრო ბევრია აუცრელი ადამიანი, მით უფრო თავისუფლად ცირკულირებს ვირუსი და მით უფრო ბევრი მუტაცია ჩნდება… ეს არის ევოლუციის კანონი (ვინც ბიოლოგია სკოლაში ისწავლეთ, იმედია, გახსოვთ. ვინც გააცდინეთ ეს გაკვეთილები, ჯობს, კომენტარების წერა არ დაიწყოთ, ნუ გაასაჯაროვებთ თქვენს “განათლებულობას”). რა უნდა ქნას სახელმწიფომ ახლა – დროებით ჩაკეტოს შემოსვლა რისკის მქონე ქვეყნებიდან, ისევ როგორც ეს უკვე გააკეთეს: დიდმა ბრიტანეთმა , იაპონიამ, და ჰოლანდიამ,  სინგაპურმა, იტალიამ, საფრანგეთმა და ისრაელმა,  ასევე გააწითლეს მოზამბიკი.

დროებით უნდა შეჩერდეს შემოსვლა:
📌ნამიბიიდან 🇳🇦
📌ლესოტოდან 🇱🇸
📌ესვატინიდან 🇸🇿
📌ზიმბაბვედან 🇿🇼
📌ბოტსვანადან 🇧🇼
📌მოზამბიკიდან 🇲🇿
📌 სამხრეთ აფრიკიდან 🇿🇦
📌ჰონგკონგიდან (ჩინეთი) 🇭🇰/🇨🇳

რა უნდა გააკეთოთ თქვენ:
📌მოიმარაგეთ სამედიცინო პირბადეები.
📌დროზე აიცერით „ფაიზერ”/„ბიონტეკით” ან „მოდერნას” ვაქცინებით.  ჯანმრთელობას გისურვებთ”, – აცხადებს გიორგი ფხაკაძე.