,,ილოცეთ, რომ გლობალური ომი არ დაიწყოს” – რუსეთის პატრიარქი მრევლს ლოცვისკენ მოუწოდებს
რუსეთის პატრიარქმა კირილმა მაცხოვრის სახელობის ტაძარში მრევლს მიმართა და ლოცვისკენ მოუწოდა, რათა გლობალური ომი არ დაიწყოს. ინფორმაციას რუსული სამთავრობო მედია ტელეგრამზე ავრცელებს.
რუსეთის პატრიარქის თქმით, ქვეყანა ახლა რთული და საშიში გამოწვევის წინაშე დგას.
„ღმერთმა დაიცვას რუსეთი „შიდა და გარე მტრებისგან“. ილოცეთ, რომ არ დაიწყოს გლობალური ომი“, – აღნიშნა რუსეთის პატრიარქმა.
შეგახსენებთ, რომ ევროკავშირი რუსეთის მართლმადიდებლური ეკლესიის მეთაურის კირილის წინააღმდეგ სანქციების დაწესებას გეგმავს.
მანამდე კი ქადაგებაზე რუსეთის პატრიარქმა ხაზგასმით განაცხადა, რომ რუსეთი არავის დასხმია თავს. მან რუსული არმია არაერთხელ დალოცა.
