მერაბიშვილის საქმეზე დიდ პალატაში მოსმენა დასრულდა
როგორც ვანო მერაბიშვილის ადვოკატი ოთარ კახიძე აცხადებს, ზეპირი მოსმენა დასრულდა.
-„მორჩა დიდი პალატის სხდომა. მთავრობას წარმოადგენდა იუსტიციის მინისტრის პირველი მოადგილე – ალექსანდრე ბარამიძე.
უსუსური გამოსვლა ჰქონდა, როგორც სამართლებრივად, ისე რიტორიკის დონეზე.
კიდევ ერთხელ გამოვლინდა ქართული ოცნების მთავარი მახასიათებელი – მავნებლობისა და არაკომპეტენტურობის საოცარი სინთეზი.
ველოდებით სტრასბურგის დიდი პალატის საბოლოო გადაწყვეტილებას უახლოესი თვეების განმავლობაში.
ვანო მერაბიშვილის ინტერესებს ასევე დაიცავენ BGI Legal-ის იურისტები – დავით კაკოიშვილი და ანა ხოჯელანი.