ევროპარლამენტმა უკრაინისთვის ვიზალიბერალიზაციის მინიჭებას მხარი დაუჭირა

ევროპარლამენტმა დღეს სტრასბურგში პლენარულ სხდომაზე უკრაინის მოქალაქეებისთვის უვიზო მიმოსვლის დაწესებას მხარი დაუჭირა. კენჭისყრის დროს ევროპის პარლამენტის 521 წევრი ამ გადაწყვეტილების მომხრე იყო, 75–მა წინააღმდეგ მისცა ხმა და 36–მა თავი შეიკავა.

უკრაინული მედიის ინფორმაციით, ამ ქვეყნის მოქალაქეებისთვის უვიზო მიმოსვლის საკითხი საბოლოოდ, 11 მაისს უნდა გადაწყდეს.