თურქეთში დათვლილია ხმათა 99%

თურქეთის პრეზიდენტ რეჯეფ თაიფ ერდოღანის მომხრეები რეფერენდუმის შედეგებს ქუჩაში ზეიმობენ. დათვლილია ხმათა 99%.

BBC-ის ცნობით, ამ დროის მონაცემებით, რეფორმას მხარს უჭერს ამომრჩეველთა 51.3%; წინააღმდეგია – 48.7%.

ქვეყნის პირველმა პირებმა უკვე მიულოცეს ერთმანეთს არსებული შედეგები. ცნობილია, რომ ოპოზიცია რეფერენდუმის შედეგებს მხარს არ უჭერს და გასაჩივრებას აპირებს.

თუკი მოსახლეობა ამ ცვლილებებს მხარს დაუჭერს, მორიგი საპრეზიდენტო და საპარლამენტო არჩევნები 2019 წლის 3 ნოემბერს ერთად გაიმართება.