მინისტრმა საგანგებო შტაბის წევრებს ახალი დავალებები მისცა
შს მინისტრმა კახეთში საგანგებო შტაბის თათბირი ჩაატარა. გიორგი მღებრიშვილმა შსს-ს საგანგებო სიტუაციების მართვის სააგენტოს დირექტორის, ნიკოლოზ სირაძისა და კახეთის რეგიონის გუბერნატორის, ირაკლი ქადაგიშვილისგან კახეთის რეგიონში არსებული ვითარების შესახებ ინფორმაცია მოისმინა. ხანძრის ეფექტური ლიკვიდაციის მიზნით კი მინისტრმა საგანგებო შტაბის წევრებს ახალი დავალებები მისცა.
თათბირის შემდეგ, შს მინისტრმა შსს-ს ვერტმფრენით საკონტროლო გაფრენა განახორციელა და ყველა ის ადგილი დაათვალიერა, სადაც ამ დროისთვის ხანძრის ქრობის ინტენსიური სამუშაოები მიმდინარეობს.
შსს-ს საგანგებო სიტუაციების მართვის სააგენტოს და ეროვნული სატყეოს სააგენტოს თანამშრომლები, ხანძრის კერების უმოკლეს ვადაში ლიკვიდირების მიზნით, მუშაობას 24 საათიან რეჟიმში აგრძელებენ. ცეცხლის ქრობის პროცესში ჩართულია 4 ვერტმფრენი
