8 თვიანი განხილვის შემდეგ განაჩენი დღეს გამოცხადდება
დღეს ბათუმის 11-12 მარტის მოვლენების ორგანიზებისთვის დაკავებული პირების საქმეზე განაჩენი გამოცხადდება.
პროცესი 15:00 საათზე დაიწყება, მანამდე კი მხარეები საბოლოო სიტყვას იტყვიან. ბათუმში მასობრივი არეულობის ორგანიზებას გამოძიება მერაბ ღოღობერიძესა და ირაკლი ჩხვირკიას ედავება.
საქმის განხილვა უკვე 8 თვეა მიმდინარეობს.
ბათუმში ვითარება 2017 წლის 11 მარტს საღამოს ჭავჭავაძის ქუჩაზე მომხდარი ინციდენტისას დაიძაბა. პოლიციამ 2 მოქალაქე მას შემდეგ დააკავა, რაც პატრულის თანამშრომელმა ერთ-ერთი მათგანი დააჯარიმა, რასაც იქ მყოფ მოქალაქეებსა და პოლიციელებს შორის დაპირისპირება მოჰყვა.
მოგვიანებით, აქციამ აჭარის შს სამმართველოსთან გადაინაცვლა, სადაც პოლიციასა და აქციის მონაწილეებს შორისდაპირისპირება რამდენჯერმე მოხდა.