ტიტანიკის მენიუ $142 ათასად იყიდება
მენიუ, რომლითაც გემ ტიტანიკის მგზავრებს სხვადასხვა კერძებს სთავაზობდნენ, აუქციონზე $142 ათასად იყიდება. ამის შესახებ BBC წერს.
მენიუ ტიტანიკის ერთ-ერთ გადარჩენილ ოფიცერს, ჩარლზ ლაითოლერს ეკუთვნოდა.
ბრიტანული ხომალდი “ტიტანიკი” 1912 წლის 14 აპრილს აისბერგთან შეჯახების შემდეგ ჩაიძირა, 2200 მგზავრიდან კი 1500 დაიღუპა.
გასული წლის შემოდგომაზე ტიტანიკის ერთ-ერთი მგზავრის წერილი აუქციონზე 166 ათასს ამერიკულ დოლარად გაიყიდა.