რუსეთის წინააღმდეგ 6 თვით გახანგრძლივებული სანქციები ძალაში შევიდა
ევროკავშირმა რუსეთის წინააღმდეგ სანქციები 6 თვით გაახანგრძლივა. დადგენილება ძალაში 9 ივლისიდან შევა.
„2018 წლის 5 ივლისს ევროკავშირის საბჭომ რუსეთის ეკონომიკის გარკვეული სექტორების წინააღმდეგ მიმართული ეკონომიკური სანქციები 2019 წლის 31 იანვრამდე გაახანგრძლივა. გადაწყვეტილება ძალაში 9 ივლისს შედის“ – ნათქვამია ევროკავშირის დადგენილებაში.
ეკონომიკური სანქციები 2019 წლის იანვრის ბოლომდე, ანუ კიდევ 6 თვით გაგრძელდა. შეზღუდვები რუსეთის ენერგეტიკულ, საბანკო და ფინანსურ სექტორებთან თანამშრომლობას ზღუდავს.