„ჩოჩელი ყალბი არ არის, მან ჩვენი იცის, ჩვენ მისი, ის ჩვენი არჩევანია!“

მცხეთის რაიონის მაჟორიტარობის დამოუკიდებელი კანდიდატი ცეზარ ჩოჩელი ძეგვის ამომრჩეველს შეხვდა. ძეგველებმა ბოლო სოციოლოგიური კვლევის შედეგები უკვე იცოდნენ, შედეგი არ გაჰკვირვებიათ და განაცხადეს:

  -„სასიამოვნოა კვლევებია, მაგრამ არაა საჭირო . ბატონი ცეზარი ჩვენი არჩევანია. მას მხოლოდ მცხეთელები კი არა, სრულიად საქართველო აძლევს ხმას. ხალხს ასაქმებს და უანგაროდ ეხმარება მარტო ნაცნობს კი არა, უცნობებსაც. დიახ, ღმერთმა გვიმრავლოს მისნაირი ადამიანები“.

ცეზარ ჩოჩელმა როგორც სხვა შეხვედრებზე, ძეგვშიც ნაკლები ისაუბრა და უფრო მოსახლეობას მისცა საშუალება თავიანთი აზრი გამოეხატათ და პრობლემებზე ესაუბრათ, პრობლემები კი ძეგვშიც, როგორც სხვა სოფლებშიც საკმაოზე ბევრია.

-„ადამიანი უნდა იყოს, თორემ სულ არ მაინტერესებს არც ერტი პარტია, ვინ რა გაგვიკეთა? მოვიდნენ თანამდებობებზე და ხალხი დაივიწყეს. ჩოჩელს ხმას იმიტომ ვაძლევ, რომ დეპუტატიც რომ იქნება, კარებს არ მომიჯახინებს და სხვებთან არ გადამამისამართებს, შეუძლია? ვიცი დამეხმარება! თუ არ შეუძლია-და იმედს ხომ მაინც მომცემს, პასუხს ხომ გამცემს და უპატრონო ძაღლივით კარებისკენ არ მიმითითებს. ხალხის შვილია, მან ჩვენი იცის, ჩვენ მისი. განა ეს ცოტაა იმისთვის რომ ხმა მივცე?“-განაცხადა ქალბატონმა, რომელსაც ძალიან უნდოდა ახლოს მისულიყო და კანდიდატისთვის ხელი ჩამოერთვა.

-„ჩოჩელი ყალბი არ არის, მერე რა, თუ ტრაფარეტულ სიტყვებს არ ისვრის და არ დემაგოგობს სხვებივით, საქმეს აკეთებდა, აკეთებს და გააკეთებს კიდეც. დარწმუნებული ვარ მისი სახით ჩვენი ხმა ყოველთვის გაისმება პარლამენტში, მაგრამ მთავარი მაინც ადამიანობაა“-თქვა შეხვედრაზე მისულმა მამაკაცმა.

სადაც ცეზარ ჩოჩელი ხალხთან შეხვედრას მართავდა, იქ მისი ოპონენტების საარჩევნო პლაკატები იყო გაკრული, ზოგი ვიღაცას ჩამოეხია, ზოგზეც სხვა კანდიდატის პლაკატი იყო გადაკრული. ჩოჩელმა იქ მყოფთ სთხოვა არც ერთი კანდიდატის პლაკატი არ დაეზიანებინათ.

კიდევ ერთი-ცეზარ ჩოჩელის შეხვედრებზე ახალგაზრდობა ყოველთვის ესწრება, ბავშვებს ხომ თვლა არ აქვს…

11 სექტემბერს 12.00 საათიდან 13. 00 საათამდე  ცეზარ ჩოჩელი მცხეთის რაიონის სოფელ ციხისძირის მოსახლეობას შეხვდება.

სოციოლოგიური კვლევის შედეგები იხ. ლინკზე:

http://www.geomediatv.ge/%e1%83%a1%e1%83%9d%e1%83%aa%e1%83%98%e1%83%9d%e1%83%9a%e1%83%9d%e1%83%92%e1%83%98%e1%83%a3%e1%83%a0%e1%83%98-%e1%83%92%e1%83%90%e1%83%9b%e1%83%9d%e1%83%99%e1%83%98%e1%83%97%e1%83%ae%e1%83%95%e1%83%90/