შემოსავლების სამსახურმა ხე-ტყის უკანონო ტრანსპორტირების ფაქტები გამოავლინა
ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის – მონიტორინგის სამმართველოს თანამშრომლებმა თბილისში, ქუთაისში, ხობში, მცხეთის რაიონსა და დაბა ჩაქვში განხორციელებული სასაქონლო ზედნადებების კონტროლის ფარგლებში გატარებული ღონისძიებების შედეგად 84.14 კუბური მეტრი ხე-ტყის სასაქონლო ზედნადების გარეშე ტრანსპორტირების 8 ფაქტი გამოავლინეს.
სამართალდამრღვევ მოქალაქეებს ჩამოერთვათ სამეწარმეო საქმიანობისათვის განკუთვნილი საქონელი და მოხდა მისი მოქცევა სახელმწიფო საკუთრებაში.
ინფორმაციას ფინანსთა სამინისტროს შემოსავლების სამსახური ავრცელებს.