სახალხო დამცველი შესაშური არასერიოზულობით გამოირჩევა – პანდემიის მიზეზით არჩევნების გადადება არასერიოზულია – იაგო ხვიჩია
პარლამენტის პოლიტიკური ჯგუფის “გირჩის” თავმჯდომარე იაგო ხვიჩია ომბუდსმენის მიერ გაკეთებულ განცხადებას ეხმაურება. საუბარია ქვეყანაში არსებული ეპიდვითარების გამო 2 ოქტომბრის არჩევნების გადადების საკითხზე მსჯელობა.
იაგო ხვიჩია მიიჩნევს, რომ სახალხო დამცველი შესაშური არასერიოზულობით გამოირჩევა. მისივე განცხადებით, პანდემია და სხვადასხვა დაავადებები ყოველთვის არსებობდა და იარსებებს და ამან დემოკრატიულ პროცესს ხელი არ უნდა შეუშალოს.
“სახალხო დამცველი, სამწუხაროდ, გამოირჩევა შესაშური არასერიოზულობით. ეს ერთ-ერთი მისი გაგრძელებაა კიდევ ეს მოწოდება, რომ არჩევნები გადავდოთ იმის გამო, რომ ეპიდემია არსებობს. ეს იარსებებს სულ, სხვადასხვა დაავადებები, პანდემიები და ა.შ. ამას არც აქამდე უნდა შეეშალა ხელი დემოკრატიული პროცესისთვის და არც მომავალში უნდა შეუშალოს,” – განაცხადა იაგო ხვიჩია.
