მივმართავ ჯანდაცვის სფეროს წარმომადგენლებს, გააკეთონ თავიანთი პროგნოზები და გვითხრან, თუ რამდენად ელოდებიან ინფიცირებულთა ზრდას შემდგომ და არის თუ არა ამისთვის მზად ჯანდაცვის სექტორი – ნინო ლომჯარია

ჩემი მიმართვის ადრესატი იყო პრემიერ- მინისტრი, რადგან მას აქვს უფლება, გამოაცხდოს საგანგებო მდგომარეობა. საგანგებო მდგომარეობა არის ერთადერთი საფუძველი არჩევნების გადადებისა. ამის საფუძველი კი თავის მხრივ, არის ეპიდემიოლოგიური ვითარება, – ამის შესახებ საქართველოს სახალხო დამცველმა ნინო ლომჯარიამ განაცხადა.

მან  ჯანდაცვის სფეროს წარმომადგენლებს, ეპიდემიოლოგებს მიმართა, გააკეთონ თავიანთი პროგნოზები და გვითხრან, თუ რამდენად ელოდებიან ინფიცირებულთა ზრდას შემდგომ და არის თუ არა ამისთვის მზად ჯანდაცვის სექტორი

„ეს არ არის წმინდა პოლიტიკური საკითხი, უფრო მეტად ეს წმინდა ეპიდემიოლოგიური და ადამიანის უფლებრივი საკითხია. მოგეხსენებათ შარშან არჩევნების შემდეგ როგორ გაიზარდა ინფიცირებულთა რაოდენობა და ეპიდემიოლოგებიც აღიარებენ, რომ ზოგადად, არჩევნები არის ერთ-ერთი ფაქტორი, რაც ზრდის ქვეყანაში ინფიცირებულთა რაოდენობას. შესაბამისად, ლოგიკურად, როდესაც ჩვენი ჯანდაცვის სექტორი დღეს იმდენად გადატვირთულია, რომ ჯანდაცვის მომსახურების სფეროში საველე ჰოსპიტლებისა და სტუდენტების ჩართვაზე ვსაუბრობთ, რადგან ადამიანური რესურსის ნაკლებობა გვაქვს, ბუნებრივია, ჩნდება კითხვა – თუკი ყველა ვაღიარებთ, რომ არჩევნები ზრდის მობილობას, შესაბამისად, ზრდის ინფიცირებულთა რაოდენობას, მაშინ რა გეგმა აქვს სახელმწიფოს ერთ თვეში, როდესაც გვექნება არჩევნები და როდესაც მეტად გაიზრდება ინფიცირებულთა რაოდენობა.

რატომ ვიღებთ ამ გადაწყვეტილებას ადამიანების ჯანმრთელობისა და სიცოცხლის უფლების ხარჯზე, მაშინ როდესაც ერთ თვეში ჩვენ ასეთი მოლოდინი გვაქვს. ყველა ვაცნობიერებთ, რომ თითოეულმა ჩვენგანმა, ჩვენმა ახლობელმა, ოჯახის წევრმა ვერ მიიღოს გადაუდებელი სამედიცინო დახმარება. ამიტომ, ჩემი მიმართვის ადრესატი იყო პრემიერ- მინისტრი, რადგან მას აქვს უფლება, გამოაცხდოს საგანგებო მდგომარეობა.

საგანგებო მდგომარეობა არის ერთადერთი საფუძველი არჩევნების გადადებისა. ამის საფუძველი კი თავის მხრივ, არის ეპიდემიოლოგიური ვითარება. ასევე, მივმართავ ჯანდაცვის სფეროს წარმომადგენლებს, ეპიდემიოლოგებს, გააკეთონ თავიანთი პროგნოზები და გვითხრან, თუ რამდენად ელოდებიან ინფიცირებულთა ზრდას შემდგომ და არის თუ არა ამისთვის მზად ჯანდაცვის სექტორი, ხომ არ გამოიწვევს ეს მეტი ადამიანის დაღუპვას. თუ შეგვიძლია თავიდან ავირიდოთ მეტი მოქალაქის გარდაცვალება, მაშინ რატომ არ ვდგამთ ამ ნაბიჯს“, – განაცხადა ნინო ლომჯარიამ.