კორონავირუსისგან გამოჯანმრთელებული 111 წლის ქალი საავადმყოფოდან გაწერეს
111 წლის ლეონილა გვაჯავა კორონავირუსისგან გამოჯანმრთელდა. ის თბილისის რესპუბლიკური საავადმყოფოდან დღეს გაწერეს.
ექიმ ბაჩო ბჟალავას განცხადებით, პაციენტი ჰქონდა რამდენიმე რთული დღე, რომელიც მშვიდობიანად გადალახა.
„ქალბატონმა დაამარცხა „კოვიდ-19“. შემოსვლისას მდგომარეობა იყო საყურადღებო, თუმცა პირნათლად შეასრულა ჩვენი ყველა მითითებული რეკომენდაცია. ჰქონდა რამდენიმე რთული დღე, რომელიც მშვიდობიანად გადალახა. ამ პერიოდში ქალბატონთან მუშაობა ძალიან საინტერესო იყო. ყველა მითითება და რეკომენდაცია პირნათლად შეასრულა და ადეკვატური შედეგიც დაიდო. დარწმუნებული ვარ, იგივენაირად გააგრძელებს და ამბულატორიულ რეჟიმში ჩვენ მიერ გაცემულ რეკომენდაციას სწორად შეასრულებს. ამ ეტაპზე მდგომარეობა დამაკმაყოფილებელია. მის ჯანმრთელობის მდგომარეობას საფრთხე არ ემუქრება“, – განაცხადა ლეონილა გვაჯავას მკურნალმა ექიმმა.
