მარიუპოლში აფეთქების შედეგად კიდევ ერთი ორსული გარდაიცვალა
მარიუპოლში ერთ-ერთი ორსული გარდაიცვალა, რომელიც რუსი დამპყრობლების ავიადარტყმის დროს სამშობიაროში იმყოფებოდა. ამის შესახებ უკრაინული მედია წერს.
როგორც „ამერიკის ხმის“ ჟურნალისტი ამბობს, ინფორმაცია დაადასტურა ფოტოგრაფმა ევგენი მალოლეტკამ, რომელმაც იმ დღეს შემთხვევის ადგილიდან ფოტორეპორტაჟი გააკეთა.
„პირველი ორსული გოგონა, მარიუპოლის მე-3 ბავშვთა საავადმყოფოს დაბომბვის ადგილიდან (სამშობიარო), რომელიც საკაცით გადაიყვანეს, არ გადარჩა“ – განაცხადა ჟურნალისტმა.
მანამდე, კიდევ ერთმა მშობიარმა ქალმა, რომელიც საავადმყოფოს დაბომბვის დროს დაზარალდა – მარიანა პოდგურსკაიამ – გოგონა გააჩინა.
შეგახსენებთ, რომ რუსები მარიანას ბრალს სდებდნენ, თითქოს ის არ მოხვედრილა დაბომბვის დროს საავადმყოფოში და იქ „უბრალოდ მოდელად სამუშაოდ“ მივიდა.
