დიდუბეში სისხლიანი გარჩევის შედეგად, 4 პირი დაიჭრა, მათ შორის 3 ძმაა
სისხლიანი გარჩევა თბილისში – დაჭრილია, სავარაუდოდ, 4 პირი, მათ შორის 3 ძმაა. შემთხვევა დიდუბეში, გოგოლაურის ქუჩაზე მოხდა.
გავრცელებული ინფორმაციით, კონფლიქტი ურთიერთშელაპარაკებას მოყვა. დაშავებულები კლინიკაში გადაიყვანეს.
ექიმების ინფორმაციით, არც ერთი დაშავებულის სიცოცხლეს საფრთხე არ ემუქრება.
შემთხვევის ადგილზე მობილიზებული იყო პოლიციის ეკიპაჟები. შინაგან საქმეთა სამინისტროს ინფორმაციით, უკვე დაკავებულია ინციდენტში მონაწილე ერთი პირი. მიმდინარეობს გამოძიება.
