გიორგი ვაშაძე – წყარომ მომაწოდა ინფორმაცია, რომ „ქართული ოცნება“ ჩემზე ფიზიკურ თავდასხმას გეგმავს, მოჭიდავე თუ გაუგებარ დეპუტატებს დაავალეს ეს
სტრატეგია აღმაშენებლის“ ლიდერის, ოპოზიციონერი დეპუტატის, გიორგი ვაშაძის თქმით, წყარომ მიაწოდა ინფორმაცია, რომ „ქართული ოცნება“ მასზე ფიზიკურ თავდასხმას გეგმავს.
მისი თქმით, ფიზიკური ანგარიშსწორება სხდომათა დარბაზში იგეგმება თუ გარეთ, ზუსტი ინფორმაცია აქვს.
„ისინი აპირებენ ჩემ მიმართ ფიზიკურ ანგარიშსწორებას და დაავალეს საკუთარ ფრაქციაში იმ მოჭიდავე თუ გაუგებარ დეპუტატებს, რომელთა სახელი და გვარი არავინ იცის, რომ რამენაირად პროვოკაცია მოაწყონ.
„ქართულ ოცნებას“ პასუხი არ აქვს საკითხებზე, რასაც ვსვამთ და აქედან გამომდინარე, გინდათ, გადახვიდეთ ფიზიკურ ანგარიშსწორებაზე. უკან არ დავიხევთ და საზოგადოებას თქვენს რეალურ სახეს ვაჩვენებთ, როგორ იბრძვით საქართველოს ეროვნული ინტერესების წინააღმდეგ; როგორი ფსევდოპატრიოტები ხართ; როგორ გინდათ, ისტორია გამოიყენოთ ხალხის ტვინის ასარევად და როგორ ებრძვით საქართველოს ევროპულ პერსპექტივას.
ამ ყველაფერზე პასუხს მიიღებთ. ეს დავალება გაცემულია პარტიის ხელმძღვანელობის მხრიდან კონკრეტულ პირებზე. საიდან მაქვს ინფორმაცია, ამის თქმას თქვენთან არ ვაპირებ“, – განაცხადა გიორგი ვაშაძემ.
