დავით კირკიტაძე: არავისთვის არცერთ ქვეყანაში არ მოუტანია კარგი რუსებთან კუდის ქიცინს
„არავისთვის არცერთ ქვეყანაში არ მოუტანია კარგი რუსებთან ამ იმპერიალისტებთან კუდის ქიცინს” – ამის შესახებ „ნაციონალური მოძრაობის” წევრმა დავით კირკიტაძემ ბათუმში რუსული სკოლის გახსნასთან დაკავშირებით განაცხადა.
„გასაკვირი არ არის ნამდვილად ის, რაც ბათუმში ხდება, თქვენ ხომ გახსოვთ რას აცხადებდა აჭარის ავტონომიური რესპუბლიკის მეთაური ბატონი რიჟვაძე, როდესაც ომი დაიწყო ვის ადანაშაულებდა ომის დაწყებაში და ვისკენ მიგვითითებდა. მთლიანად საქართველოს ხელისუფლება არის პრორუსული. გონს მოვეგოთ სანამ ჯერ კიდევ დროა” – აცხადებს დავით კირკიტაძე „ტვ პირველთან” საუბრისას
ცნობისთვის, ბათუმში რუსული სკოლა „School club georgia” გაიხსნა, სადაც რუსეთში შემუშავებული სახელმძღვანელოებით ასწავლიან, როგორც ირკვევა აღნიშნული სკოლა ფილიალს თბილისშიც ხსნის.
