„თურმე მამუკა მდინარაძე მთელი ღამე ტიროდა…” – ნახეთ რას ამბობს რომან გოცირიძე

„ქართული ოცნება” დღეს უკვე არის ივანიშვილის მომსახურე უღირსებო ადამიანთა ერთობა, რაც ამ გადაწყვეტილებით გაფორმდა – ასე გამოეხმაურა „ნაციონალური მოძრაობის” დეპუტატი რომან გოცირიძე „ოცნებიდან” 5 დეპუტატის გასვლას და მოძრაობა „ხალხის ძალა”-ში გაერთიანებას.

„ზოგიერთმა ეს თავიდან აიცილა. თურმე, მამუკა მდინარაძე მთელი ღამე ტიროდა, ოღონდ, იქით არ გამიშვათ და თუ გინდათ, პარლამენტში წყალში ჩავდგებიო. ბიზნესში წასვლას ვაპირებო, სულ დეპუტატი ხომ არ ვიქნები, ამერიკისა და ევროპის ვიზას არ მომცემენ, სანქცირებულთა სიაში შევალო, ქუჩაში მოღალატის დამღით უნდა ვიარო, პრორუსულის იარლიყი მომეწებებაო, ანტიდასავლურ განცხადებებს მეც უნდა შევუერთდეო, ახლა გადამარჩინეთო და დროებით გადარჩა, მათიკაშვილი, მდინარაძე. მესამე გაფართოების ტალღაში მოხვდებიან.

მდინარაძემ გუშინ თქვა, გოცირიძე ასი ნათესავით დადის და ტყუილებს ავრცელებსო, ერთი დღე არ გასულა და ჩემი პროგნოზი გვარებითაც კი ახდა. ეს საწყალი მიქელაძე, კარგი ექიმი ყოფილა, ორი წელი ხმა არ ამოუღია, რა უნდოდა, პარლამენტში რომ მოდიოდა, ყურში ხელი მოკიდეს და იქით გადასვეს. ყოფილიყო ექიმობაში, რა უნდოდა წვენებში?” – განაცხადა რომან გოცირიძემ.