„აუცილებელი არ არის შენი ქვეყნის დემოკრატიულ ინსტიტუტებს მიაყენო დარტყმა“
საქართველოს პრეზიდენტის მიერ ე.წ. კაბელების საქმეზე მსჯავრდებული პირების შეწყალების ფაქტს ფრაქცია “ქართული ოცნების” თავმჯდომარე მამუკა მდინარაძე ეხმიანება და ამბობს, რომ პრეზიდენტის გადაწყვეტილება ერთი მხრივ არის ჰუმანური აქტი, თუმცა მეორე მხრივ არის დარტყმა ქვეყნის დემოკრატიულ ინსტიტუტებზე.
“ერთი მხრივ, ეს არის ჰუმანური აქტი და ძალიან კარგია. პრეზიდენტს აქვს ამის უფლება. თუმცა მეორე მხრივ, აუცილებელი არ არის შენი ქვეყნის დემოკრატიულ ინსტიტუტებს მიაყენო დარტყმა. ჩვენ შეგვიძლია თავისუფლად ვთქვათ, რომ ჩვენი ქვეყნის სასამართლო სისტემა არის დამოუკიდებელი და აბსოლუტურად თავისუფალი” – განაცხადა მდინარაძემ.
