„აქციები პარალელურად რუსთავი2-თან და საზოგადოებრივ მაუწყებელთან უნდა დავიწყოთ“

დავით ნებიერიძე

საზოგადოება „ივერია“

დღეს განსაკუთრებული სიხშირით კითხულობს ხალხი: წაიღებს ბიძინა ივანიშვილი რუსთავი2-ს?

მემგონი კითხვაა არასწორად დასმული. უნდა იკითხოთ: დაუთმობს ხალხი ბიძინა ივანიშვილს რუსთავი2-ს?

მწვავე და უკომპრომისო საპროტესტო აქციები პარალელურად ორ ტელეკომპანიასთან – რუსთავი2-თან და საზოგადოებრივ მაუწყებელთან უნდა დავიწყოთ. იმის ნიშნად, რომ დარტყმის ქვეშ მარტო რუსთავი2 კი არა, მთლიანად სიტყვის თავისუფლება და პლურალიზმის პრინციპებია. ღრმად ვარ დარწმუნებული, რომ პროტესტის ასეთი სახით გაშლა ბევრად მომგებიანი იქნება და განსაკუთრებით წამოწევს ამ პრობლემების ფასს. ასევე, მთლიანად გამოაცლის ხელიდან ხელისუფლებას იმ თითიდან გამოწოვილ მიზეზებს, რომ რუსთავი2-ის საქმე კერძო დავას განეკუთვნება და ლაპარაკია პარტიულ ტელევიზიაზეო. რაც განსაკუთრებით გაუიოლებს საქმეს ჩვენს საერთაშორისო პარტნიორებს და გაამყარებს მათ არგუმენტებს რუს ოლიგარქზე სამართლიანი ზეწოლისთვის.