ეს პრეცედენტი მთლიანად დაანგრევს იმ სამართლებრივ სისტემას, რაზეც დღეს სახელმწიფო დგას
დეკანოზი გიორგი მამალაძე ჩაფიძის გულის ცენტრიდან ე.წ. მატროსოვის ციხეში გადაიყვანეს. მისი მიყვანა საპატრიარქოში არ მოხდა, რადგან ეს არსებული სამართლებრივი ნორმების დარღვევა იქებოდა. ასეთ აზრზე დგას საპატრიარქოს ფონდის ხელმძღვანელი ლაშა ჟვანია და ამბობს, რომ ეს პრეცედენტი იქნება ძალიან ცუდი საბაბი სამომავლოდ.
”მე წავიკითხე პატრიარქის მდივნის, მამა მიქაელ ბოტკოველის განცხადება, სადაც მამა მიქაელი საუბრობს, რომ უწმინდესის ჯანმრთელობის მდგომარეობის გამო მისი გასვლა პენიტენციარულ დაწესებულებაში ან საავადმყოფოში, შეუძლებელია, ხოლო კანონი არ ითვალისწინებს, რომ ბრალდებული დროებით მოიყვანონ საპატრიარქოში. ეს პრეცედენტი, მე როგორც იურისტი, ვფიქრობ, რომ იქნება ძალიან ცუდი საბაბი. მომავალში ეს მთლიანად დაანგრევს იმ სამართლებრივ სისტემას, რაზეც დღეს სახელმწიფო დგას” – განაცხადა ლაშა ჟვანიამ.
