ქართული ენა ათი უძველესი, ცოცხალი ენების სიაში დასახელდა

ბრიტანეთის საინფორმაციო კომპანიამ «Culture Trip» მსოფლიოს უძველესი 10 ენა დაასახელა, რომელზეც დღესაც საუბრობენ, მათ შორის დასახელდა ქართული ენა.

სტატიის ავტორი ლანი სილინჯერი აღნიშნავს, რომ „კავკასია-ეს ლინგვისტებისთვის საგანძურია“.

-„ქართული ენა ერთადერთი ენაა კავკასიაში, რომელსაც მდიდარი უძველესი ტრადიცია აქვს. მისი ლამაზი და უნიკალური ალფავიტიც საკმაოდ ძველია, სავარაუდოა, რომ მისი ადაპტაცია არამეულიდან ჯერ კიდევ ჩვენს ერამდე მე-3 საუკუნეში მოხდა“- ნათქვამია სტატიაში.

ბრიტანული კომპანია «Culture Trip», რომლის მთავარი ოფისი ლონდონში მდებარეობს, არის საერთაშორისო სტარტაპი ინტერნეტ-სფეროში, კომპანია დაკავებულია სხვადასხვა სფეროს კონტენტის შექმნით და მას თვეში 3 მილიონზე მეტი სტუმარი ჰყავს.