მილოვი: აფხაზეთი და სამხრეთ ოსეთი დამოუკიდებელ ქვეყნებად არასდროს მიღიარებია!
რუსული ოპოზიციის ერთ–ერთმა ლიდერმა, “დემოკრატიული არჩევანის” დამფუძნებელმა ვლადიმერ მილოვმა გადაცემა პანორამაში განაცხადა რომ აფხაზეთი და სამხრეთ ოსეთი უნდა გაერთიანდეს საქართველოსთან. მისივე თქმით, რუსეთს მიწები საკმარისად აქვს და აფხაზეთი და სამხრეთ ოსეთი არ სჭირდება.
ოპოზიციონერის განცხადებით, მას აფხაზეთი და სამხრეთ ოსეთი დამოუკიდებელ ქვეყნებად არასდროს უღიარებია.
“მე მათ მივიჩნევ საქართველოს ტერიტორიებად და მოვუწოდებ ჩემს კოლეგებს რუსულ ოპოზიციაში, რომ მოლაპარაკებების მაგიდასთან დასხდნენ აფხაზ, ოს და ქართველ ლიდერებთან ერთად. მოილაპარაკონ, როგორ უნდა მოხდეს ამ ტერიტორიების გაერთიანება საქართველოსთან. რუსულ ოპოზიციაში დომინირებს შემდეგი მოსაზრება – ჩვენ ჩვენი ლეგიტიმური ტერიტორიებიც საკმარისად გვაქვს, მსოფლიოს უდიდესი ქვეყანა ვართ და ჯობს ჩვენი გაღატაკებული ხალხის სასარგებლოდ გადავწყვიტოთ დღითი დღე მზარდი პრობლემები. ჩვენ უნდა ვეცადოთ, ჩვენი საშინაო საქმეები მოვაწესრიგოთ. მე დარწმუნებული ვარ, ამ მიდგომას გარკვეულწილად ალექსეი ნავალნიც იზიარებს” – განაცხადა მილოვმა.
