ოკუპირებულ სამხრეთ ოსეთში მიმდინარე არჩევნებს გმობს ევროკავშირი

საქართველოს ოკუპირებულ ტერიტორიაზე, სამხრეთ ოსეთში არჩევნები და რეფერენდუმი მიმდინარეობს. РИА «Новости»-ის ინფორმაციით 72 საარჩევნო ოლქი დარღვევების გარეშე გაიხსნა. საპრეზიდენტო კანდიდატებია ლეონიდ თიბილოვი, ანატოლი ბიბილოვი და ალან გაგლოევი.

ე.წ. არჩევნებსა და რეფერენდუმს ეხმაურება ევროკავშირი. ევროკავშირის საგარეო პოლიტიკის სამსახური განცხადებას ავრცელებს. სადაც ნათქვამია:

„ევროკავშირი კიდევ ერთხელ ადასტურებს მხარდაჭერას საქართველოს ტერიტორიული მთლიანობისა და სუვერენიტეტის მიმართ, საერთაშორისოდ აღიარებულ საზღვრებში“, – აღნიშნულია ევროკავშირის საგარეო პოლიტიკის სამსახურის მიერ გავრცელებულ განცხადებაში.