კანონპროექტი დამტკიცდა – 2018 წლის მაისიდან თამბაქოს ნაწარმის რეკლამაც აიკრძალება
საქართველოს პარლამენტმა “თამბაქოს კონტროლის შესახებ” საპარლამენტო უმრავლესობის წევრის, გუგული მაღრაძის ინიცირებული საკანონმდებლო ცვლილებათა პაკეტი მესამე მოსმენით დაამტკიცა. პლენარულ სხდომაზე კანონპროექტს მხარი 85-მა დეპუტატმა დაუჭირა, წინააღმდეგ მხოლოდ ერთი დეპუტატი წავიდა.
საკანონმდებლო პაკეტით გათვალისწინებულ ცვლილებათა თანახმად, 2018 წლის პირველი მაისიდან, ყველა დახურულ სივრცეში, თამბაქოს ნაწარმის – ელექტრონული სიგარეტისა და ჩილიმის მოწევა აიკრძალება. ამავე თარიღიდან თამბაქოს ნაწარმის რეკლამაც აიკრძალება.
