ბრიტანელები სხეულზე ფუტკრის ტატუირებით ტერაქტის დროს დაღუპულთა ოჯახებს ეხმარებიან
ბრიტანეთში ტერაქტის შედეგად დაღუპული ოჯახების დასახმარებლად ათასობით ტატუ-სალონმა საქველმოქმედო აქცია წამოიწყო. ადგილობრივები სხეულზე ფუტკარს იხატავენ, რომელსაც, მათი განმარტებით სიმბოლური დატვირთვა აქვს და შრომისმოყვარე ბრიტანელებთან ასოცირდება. ბოლო დღეებში აქციას ათასობით მსურველმა მიმართა. ტატუს გაკეთება 40-100 ფუნტი ღირს. “ეს ტატუ არის მანჩესტერის მოსახლეობის ერთიანობის და სოლიდარობის ნიშანი, მიუხედავად ასაკისა, სქესისა და ეროვნებისა, ჩვენ დღეს ყველა ერთად ვართ”-აცხადებენ აქციის მონაწილეები.
