„აზერბაიჯანელმა ჟურნალისტმა უკანონოდ გადაკვეთა საზღვარი…“
აზერბაიჯანელი ჟურნალისტის, აფგან მუხთარლის დაკავებას ვიცე-პრემიერი ალექსანდრე ჯეჯელავა ეხმიანება და ამბობს, რომ საქმეზე შინაგან საქმეთა სამინისტროს გამოძიება დაწყებული აქვს.
„ამ ადამიანმა უკანონოდ გადაკვეთა საზღვარი, თუმცა შსს-ს დაწყებული აქვს გამოძიება და უფრო დაზუსტებული ინფორმაცია უახლოეს დროში გვექნება,“- განაცხადა ალექსანდრე ჯეჯელავამ.
შეგახსენებთ, რომ აზერბაიჯანელი ჟურნალისტი აფგან მუხთარლი თბილისიდან გუშინ გაუჩინარდა. დღის ბოლოს კი გაირკვა, რომ ის აზერბაიჯანის ტერიტორიაზე იმყოფება და სამართალდამცველებს ჰყავთ დაკავებული.