შატილში ოჯახებს სახლების სახურავების რეაბილიტაციისთვის მასალა გადასცეს

გარემოს დაცვის სამინისტროს ინფორმაციით, დაცული ტერიტორიების სააგენტოს პროგრამის ფარგლებში, შატილში, ეროვნული პარკის მიმდებარე ტერიტორიაზე მცხოვრებ ოჯახებს სახლების სახურავების სრული რეაბილიტაციისთვის მასალა გადასცეს.

პროექტი “დაცული ტერიტორიების მხარდაჭერის პროგრამა კავკასიაში – საქართველო” 2015 წელს დაიწყო. პროექტის ფარგლებში ფშავ-ხევსურეთის ეროვნული პარკის მიმდებარე ტერიტორიაზე მცხოვრებ ოჯახებს სასოფლო-სამეურნეო ტექნიკაც გადასცეს.