ფშავ-ხევსურეთის ეროვნული პარკის რეინჯერები ხანძარს ებრძვიან

ფშავ-ხევსურეთის ეროვნული პარკის ტერიტორიაზე, ანდაქის ხეობაში ხანძარი გაჩნდა. გარემოსა და ბუნებრივი რესურსების დაცვის სამინისტროს ინფორმაციით, ფშავ-ხევსურეთის ეროვნული პარკის რეინჯერები ამ დრომდე ებრძვიან ხანძარს.

სამაშველო სამუშაოებში თბილისის, ალგეთის და ყაზბეგის ეროვნული პარკის რეინჯერებიც ჩაერთნენ.
ტერიტორია ძნელად მისადგომია, რაც აძნელებს სტიქიასთან ბრძოლას.

ხანძრის მასშტაბების შესახებ ზუსტი ინფორმაცია ამ დროისთვის უცნობია.