ბაღების სააგენტოს ხელმძღვანელმა თემურ თორდინავამ თანამდებობის დატოვების შესახებ განცხადება 13 ნოემბერს დაწერა და კახა კალაძეს წაუდგინა. მედიაში გავრცელებული ინფორმაციით თბილისის ბაგა-ბაღების მართვის სააგენტოს ახალ ხელმძღვანელად კახაბერ გვანცელაძე ინიშნება.
კახა გვანცელაძე ნარმანიას მერობის დროს თბილისის მერიის ეკონომიკური განვითარების საქალაქო სამსახურს ხელმძღვანელობდა.
უკვე ისიც ცნობილია, რომ თბილისის მერი კახა კალაძე მერიის საქალაქო სამსახურების ხელმძღვანელებსა და გამგებლებს თბილისის მთავრობის ხვალინდელ სხდომაზე წარადგენს.
