მრევლი ბერი ნიკოლოზ მაქარაშვილის გამოსახლებას ისევ აპროტესტებს
თბილისში, გამრეკელის ქუჩაზე ხმაურია. ბერი ნიკოლოზ მაქარაშვილის მრევლი სახლის მეპატრონისგან ბერის სახლში შეშვებას ითხოვს. ინფორმაციას ipn-ი ავრცელებს.
როგორც ცნობილია, ბერ ნიკოლოზს ბინის მეპატრონე არ უშვებს. ის ამ სახლში დროებითი სარგებლობის უფლებით ცხოვრობდა, თუმცა მოგვიანებით მეპატრონემ მისი გაშვება გადაწყვიტა. მრევლი ამ ფაქტს ბერი ნიკოლოზის დევნად აფასებს.
ადგილზე შეკრებილების ინფორმაციით, არსებობდა შეთანხმება, რომლითაც ბერ ნიკოლოზს სახლის მესამე სართული უნდა გაერემონტებინა, სადაც ის ცხოვრობს და ერთი წელი აღნიშნულ სახლში უფასოდ უნდა ეცხოვრა, თუმცა მეპატრონემ ეს შეთანხმება დაარეღვია.
ადგილზე მობილიზებულია პოლიცია. რამდენჯერმე პოლიციასა და შეკრებილებს შორის სიტუაცია დაიძაბა.
მსგავსი მოთხოვნები ბერის მრევლს ამ ზაფხულშიც ჰქონდა, რასაც სამართალდამცველებთან მწვავე დაპირისპირება მოჰყვა.
