დუისში სახალხო დამცველის აპარატი ჩადის
პანკისის ხეობის სოფელ დუისში საქართველოს სახალხო დამცველი ნინო ლომჯარია, სახალხო დამცველის მოადგილე ეკატერინე სხილაძე და აპარატის თანამშრომლები ხვალ ჩავლენ.
უკვე ცნობილია, რომ ლომჯარია დუისში მაჩალიკაშვილების ოჯახს, ადგილობრივ პედაგოგებს და ქალთა საბჭოს, ასევე უხუცესთა საბჭოს შეხვდება.
სახალხო დამცველი პანკისის ხეობაში მცხოვრები მუსლიმი თემის წარმომადგენლებს დუისის მეჩეთში შეხვდება.
