ბაგა-ბაღებში მოქმედ მენიუში კორექტირება შედის
თბილისის ბაგა-ბაღების სააგენტოსა და ჯანდაცვის სამინისტროს ექსპერტის ერთობლივი მუშაობის შედეგად, მიღებული იქნა გადაწყვეტილება საბავშვო ბაგა-ბაღებში მოქმედ მენიუში გარკვეული კორექტირების შეტანის შესახებ.
აღსაზრდელების მშობელთა ინტენსიური მოთხოვნისა და რეკომენდაციების გათვალისწინებით, ასევე ბაღების ადმინისტრაციების მოთხოვნის საფუძველზე, რაც ძირითადად ეხებოდა იმ ფაქტს, რომ 2018 წლის იანვრიდან შემოსულ ახალ მენიუში შეტანილი რამდენიმე კერძი არ აღმოჩნდა აღსაზრდელების უმეტესი ნაწილისათვის მისაღები, კალორიულობისა და დღიური ნორმების დაცვით, ასევე ინგრედიენტების შენარჩუნებით,განხორციელდა კორექტირება კვებით რაციონში. მუშაობა მიმდინარეობდა ჯანდაცვის სამინისტროს ექსპერტის ჩართულობით.
ხაზგასმით უნდა აღინიშნოს, რომ აღნიშნული კორექტირების მიუხედავად, მენიუ სრულად შეესაბამება მთავრობის N487-ე დადგენილებას.უბრალოდ მოხდა ინგრედიენტების სხვაგვარი გადანაწილება.
(არ შეიძლება არ აღინიშნოს, რომ ვერც ერთი მენიუ ვერ იქნება 61 500-ივე აღსაზრდელისათვის მისაღები და 100%-ით მოსაწონი, თუმცა კარაქიანი პური ის ნაწილია საუზმის, რომელსაც ბავშვების უდიდესი ნაწილი მიირთმევს).