ყურადღება! თუ ჯერ კიდევ არ მიგიტანიათ საბუთები ბაღებში დამატებით რეგისტრაციაზე…
ბაღებში დამატებითი რეგისტრაციისთვის საბუთების მიღება 7 სექტემბერს სრულდება
🔊🔊🔊🔊 თბილისის საბავშვო ბაგა-ბაღებში დამატებითი რეგისტრაციისათვის განაცხადების მიღება 7 სექტემბერს, 18:00 საათზე დასრულდება. დამატებითი რეგისტრაციის მსურველებს განაცხადის წარდგენა, ერთდროულად, რამდენიმე საბავშვო ბაღში შეუძლიათ.
✅განაცხადების განხილვისას გათვალისწინებული იქნება შემდეგი კრიტერიუმები:
➡️ განსაკუთრებული საჭიროების მქონე ბავშვები;
➡️ დედმამიშვილები (რომლებმაც ვერ მოასწრეს რეგისტრაცია, რეგისტრირებული არიან სხვა ბაღში და სხვა);
➡️ბაგა-ბაღის თანამშრომლის შვილები;
➡️სოციალურად დაუცველი ბავშვები (რომლებმაც პირველ ეტაპზე დარეგისტრირება ვერ მოახერხეს);
➡️იმავე რაიონში რეგისტრირებული აღსაზრდელები, სადაც მდებარეობს ბაგა-ბაღი;
➡️სხვა დანარჩენი განცხადებები.
✅რეგისტრაციის მსურველებმა კონკრეტულ საბავშვო ბაგა-ბაღს უნდა მიმართონ განცხადებით და წარადგინონ შესაბამისი დოკუმენტაცია.
➡️ კერძოდ, ბავშვის დაბადების მოწმობა;
➡️რეგისტრირებული მისამართის დამადასტურებელი ცნობა ან ამხანაგობის მიერ გაცემული ცნობა, რითაც დასტურდება ოჯახის კონკრეტულ მისამართზე ბინადრობის ფაქტი;
➡️სამედიცინო ცნობა განსაკუთრებული საჭიროების მქონე ბავშვებისთვის;
➡️ცნობა სოციალურად დაუცველის სტატუსის შესახებ; ➡️თანამშრომლის შვილის შემთხვევაში, თანამშრომლის დანიშვნის ბრძანება ამავე ბაგა-ბაღში.
✅განაცხადების მიღება სასურველ ბაგა-ბაღში იწარმოებს, საიდანაც მათი გადაგზავნა ბაღების მართვის სააგენტოში მოხდება. კრიტერიუმების დაკმაყოფილების შემთხვევაში, ბავშვი შესაბამის ბაგა-ბაღში ჩაირიცხება.
🔊🔊🔊 ამასთანავე, გაცნობებთ, რომ კვლავ შესაძლებელია ელექტრონული რეგისტრაცია სააგენტოს ვებგვერდზე ვაკანტური ადგილის არსებობის შემთხვევაში.
გაითვალისწინეთ, რომ ბავშვის რეგისტრაცია თბილისის საჯარო ბაგა-ბაღებში შესაძლებელია 2 წლის ასაკიდან.
✅უკვე რეგისტრირებული აღსაზრდელის შემთხვევაში, საბავშვო ბაღში სავალდებულოა შემდეგი დოკუმენტების წარდგენა:
1. დაბადების მოწმობის ასლი
2. 2 ფოტოსურათი ( ბიომეტრიული)
3. ჯანმრთელობის დამადასტურებელი ცნობა
4. მშობლების პირადობის მოწმობის ასლი
🔊🔊🔊🔊აღსაზრდელის რეგისტრაციის გადამოწმება შესაძლებელია ელექტრონულად, სააგენტოს ვებგვერდზე
http://kids.org.ge/registration/registration-formreg
🔊 2018-2019 სააღმზრდელო წელი თბილისის საბავშვო ბაგა-ბაღებში 17 სექტემბერს დაიწყება.
🌸 გისურვებთ წარმატებებს.
