ბორჯომის ნაკრძალში ხანძრის ჩაქრობას მსხვერპლის გარეშე არ ჩაუვლია
ბორჯომის ნაკრძალში ხანძრის ქრობას მსხვერპლის გარეშე არ ჩაუვლია. ბორჯომ-ხარაგაულის ეროვნული პარკის დაცვის განყოფილების უფროსი 43 წლის ივანე კუპრაძე ხანძრის ქრობის დროს დაიღუპა.
სალიკვიდაციო სამუშაოების დროს რეინჯერს ხე დაეცა. მომხდარის შესახებ ინფორმაცია სახანძრო-სამაშველო ძალების დეპარტამენტის დირექტორმა ალექსანდრე ხვადაგიანმა დაადასტურა.
მომხდარზე შინაგან საქმეთა სამინისტროს ბორჯომის რაიონულ სამმართველოში გამოძიება სიცოცხლის გაუფრთხილებლობით მოსპობის ფაქტზე, სისხლის სამართლის კოდექსის 116-ე მუხლის პირველი ნაწილით დაიწყო.