“მემარცხენე ალიანსი” არჩევნებში დამოუკიდებლად მიიღებს მონაწილეობას
საარჩევნო ბლოკის შექმნის თაობაზე, პოლიტიკურ პარტიებთან ხანგრძლივი კონსულტაციის მიუხედავად, “მემარცხენე ალიანსი” არჩევნებში დამოუკიდებლად მიიღებს მონაწილეობას.
აღნიშნული ინფორმაცია “მემარცხენე ალიანსის” გენერალურმა მდივანმა, სოსო შატბერაშვილმა “პირველ პრესკლუბში” გააჟღერა.
მისი თქმით, პარტიამ მაჟორიტარი დეპუტატობის ზოგიერთი კანდიდატი ქუთაისსა და თბილისში უკვე წარადგინა. უახლოეს პერიოდში კი, იგეგმება აჭარის უმაღლეს საბჭოში კანდიდატების წარდგენა, რის შემდეგ გაგრძელდება თბილისსა და რეგიონებში დარჩენილი მაჟორიტარი დეპუტატების წარდგენა.
შატბერაშვილის თქმით, ამომრჩევლებს “მემარცხენე ალიანსი” ჰპირდება, რომ ყველაფერს გააკეთებს, რათა რუსეთთან ურთიერთობა მოწესრიგდეს, დიპლომატიური ურთიერთობა აღდგეს და სავიზო რეჟიმი მოიხსნას.
