ნათელაშვილი ივანიშვილისგან ბოდიშის მოხდას მოითხოვს და სასამართლოში უჩივის
პრეზიდენტობის კანდიდატმა, შალვა ნათელაშვილმა ბიძინა ივანიშვილს ცილისწამებისთვის სასამართლოში უჩივლა.
“ლეიბორისტული” პარტიის ლიდერი შალვა ნათელაშვილი, “ქართული ოცნების” თავმჯდომარე ბიძინა ივანიშვილისგან ბოდიშის მოხდას მოითხოვს.
მისი თქმით, ყოფილმა პრემიერმა მას საჯარო განცხადებით ცილი დასწამა, მოიხსენია კრიმინალად და რუსეთიდან დაფინანსების მიღებაში დაადანაშაულა.
„პროკურატურიდან გამოვითხოვე მტკიცებულება, მე ვიყავი თუ არა მიცემული სისხლის სამართლის პასუხისგებაში, როგორც ამტკიცებს ბიძინა ივანიშვილი და ვიღებდი თუ არა ფულებს რუსეთის სპეცსამსახურებიდან. დარწმუნებული ვარ, რომ ბიძინა ივანიშვილის მიმართ იწყება დიდი მართლმსაჯულების ეპოქა. ჩვენ მოვითხოვეთ, რომ თვითონ გამოცხადდეს ეს კონტინენტური ბოროტმოქმედი სასამართლოში,“-განაცხადა შალვა ნათელაშვილმა.
